Հայացք Թբիլիսիից. ԱՄՆ–ն փորձում է Վրաստանին ներքաշել ՌԴ–ի հետ ռազմական բախման մեջ

ԱՄՆ–ն փորձում է Վրաստանին ներքաշել ՌԴ–ի հետ ռազմական բախման մեջ` առաջարկելով անդամակցություն ՆԱՏՕ–ին, առանց հաշվի առնելու Դաշինքի 5–րդ կետի տարածումը «չվերահսկվող տարածքների» նկատմամբ։ Այդ մասին հայտարարել է Քարթլի դասի կուսակցության առաջնորդ Ջոնդի Բագատուրիան։

Նա նշել է, որ ՆԱՏՕ–ն ռազմական դաշինք է, և եթե Վրաստանն անդամակցի դաշինքին, ապա ՆԱՏՕ–ն ևս մեկ ռազմակայան կունենա ՌԴ–ի սահմաններին մոտ, սակայն ի՞նչ կստանա դրանից Վրաստանը։ Ըստ նրա, ՆԱՏՕ–ն պահանջում է, որպեսզի Վրաստանն օգնություն չխնդրի դաշինքից։

Բագատուրիան հավելել է, որ այս պարագայում ռազմական բախման դեպքում ՌԴ–ի ողջ ռազմական ներուժն, այդ թվում՝ միջուկային, ուղղվելու է Վրաստանի վրա, ինչն ընդհանրապես չի բխում Վրաստանի շահերից։