Հրայր Թովմասյանն ընտրվեց Սահմանադրական դատարանի անդամ

ՀՀԿ խմբակցության պատգամավոր Հրայր Թովմասյանը ընտրվեց Սահմանադրական դատարանի անդամ:

Ազգային Ժողովում քիչ առաջ հրապարակվեց փակ գաղտնի հերթական քվեարկության արդյունքները, համաձայն որի՝  64 պատգամավոր կողմ էր քվեարկել, իսկ 27-ը՝ դեմ Հրայր Թովմասյանի ՍԴ անդամ դառնալուն:

Հիշեցնենք, Թովմասյանը կզբաղեցնի Սահմանադրական դատարանի անդամ Կիմ Բալայանի տեղը, ում լիազորությունները դադարել էին անցած ամիս: Ավելի վաղ խորհրդարանը ԱԺ պետաիրավական հարցերի մշտական հանձնաժողովի նախագահ ընտրեց Գևորգ Կոստանյանին, ով կփոխարինի Հրայր Թովմասյանին: Իսկ ահա Թովմասյանի փոխարեն պատգամավորի մանդատ ՀՀԿ-ից կստանա նախկին պատգամավոր Տաճատ Վարդապետյանը: