29.03.2024
Վարչապետ Կարեն Կարապետյանն աշխատանքային այցով կմեկնի Մոսկվա
prev Նախորդ նորություն

Նորություններ գործընկերներից

Ալիեւի՝ Երեւանը «վերադարձնելու» մասին խոսքերը չեն նպաստում լարվածության նվազեցմանը. ՌԴ ԱԳՆ

Ադրբեջանի նախագահ Իլհամ Ալիեւի՝ Երեւանի «վերադարձի» մասին հայտարարությունը չի օգնում հայ-ադրբեջանական լարվածության նվազեցմանը: Այդ մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան` մեկնաբանելով Երեւանը «վերադարձնելու»Ալիեւի հայտարարությունը:


«Մոսկվայում, իհարկե, տեսել են Ադրբեջանի նախագահի ելույթի մասին լուրերը: Մենք լավ գիտենք, որ Ադրբեջանի եւ հարեւան Հայաստանի հետ հարաբերությունները չափազանց լարված են: Այդ հայտարարությունը ակնհայտորեն չի օգնում լարվածությունը նվազեցնել», - ասել է Զախարովան:


Պատասխանելով այն հարցին, թե արդյոք Ռուսաստանի ԱԳՆ-ն ակնկալում է, որ Հայաստանում եւ Ադրբեջանում կայանալիք նախագահական ընտրություններից հետո ղարաբաղյան հակամարտությունը կգտնի իր լուծումը, Զախարովան նշել է, որ Մոսկվան անկեղծորեն հույս ունի, որ այս հակամարտությունը կլուծվի: «Մենք մեծ ուշադրություն ենք դարձնում դրա վրա, եւ որ ամենակարեւորն է, մենք ակտիվորեն մասնակցում ենք այն բոլոր աշխատանքների իրականացմանը, որոնք նշվել են կողմերը»:


Փետրվարի 8-ին Իլհամ Ալիևը, որը վերջերս անսպասելի որոշում կայացրեց հոկտեմբերին նախատեսվող նախագահական ընտրությունները տեղափոխել ապրիլ, «Նոր Ադրբեջան» իշխող կուսակցության համագումարի ժամանակ հանդես էր եկել հայտարարությամբ՝ ասելով, որ «Երևանն Ադրբեջանի պատմական հողն է, և պետք է այն վերադարձնել ադրբեջանցիներին»: Հայաստանի ԱԳՆ-ն արձագանքել էր այս հայտարարությանը՝ ենթադրելով, որ նա այդպիսով սկսել է իր «նախընտրական» քարոզարշավը:


Հայաստանի իշխող Հանրապետական կուսակցությունում Զախարովայի հայտարարությունն ընկալել են, որպես Բաքվին ուղղված հասցեական մեղադրանք: 


ՌԴ ԱԳՆ ներկայացուցիչ Մարիա Զախարովան շատ ուղիղ, հստակ մեղադրանք հնչեցրեց Ադրբեջանի հասցեին՝ նշելով որ նման հայտարարությունները չեն բխում խաղաղության շահերից և ավելի են լարում իրավիճակը: Այս մասին փետրվարի 15-ին ՀՀԿ ԳՄ նիստից հետո լրագրողների հետ զրույցում ասել է ԱԺ փոխնախագահ Էդուարդ Շարմազանովը:


«Սա դիվանագիտական լեզվով ուղիղ հասցեական մեղադրանք էր Ադրբեջանի ղեկավարությանն ու միշտ չէ, որ Մինսկի խմբի համանախագահող երկրները կամ դրանց դիվանագիտական ներկայացուցիչները հստակ, հասցեական գնահատական են տալիս», - ասաց նա՝ շեշտելով, որ Զախարովայի գնահատականը մեղադրանք էր Ադրբեջանին, որը օրեր առաջ խոսում էր ոչ թե բանակցային գործընթացը շարունակելու, այլ Երևանը, Զանգեզուրը նվաճելու նրանց նպատակի մասին:


«Այս իմաստով կարող ենք նշել, որ Մինսկի խմբի համանախագահ երկիր Ռուսաստանի ԱԳՆ պաշտոնական դիրքորոշումը բխում է տարածաշրջանային խաղաղության շահերից և չի բխում Ադրբեջանի նացիստական նպատակներից ու առայժմ ՌԴ-ի այս գնահատականը մնում է միակ հասցեական գնահատականը Ադրբեջանի նախագահի հայատյաց և ֆաշիստական հայտարարությանն ի պատասխան»,-ասաց Շարմազանովը:


ԱԺ փոխխոսնակը հույս հայտնեց, որ Զախարովայի օրինակը վարակիչ կլինի միջազգային մյուս գործընկերների համար, որ ունենան քաղաքական խիզախություն այս բառերով առնվազն իրերն իրենց անուններով արտահայտելու:

Թիլերսոնի հանդիպումն Էրդողանի հետ արդյունավետ է եղել. Պետքարտուղարություն
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար