Էլեկտրաէներգիայի արտադրությունը 2017 թվականին աճել է. փոխնախարար

Էլեկտրաէներգիայի արտադրությունը 2017 թվականին աճել է: Այս մասին Facebook-յան իր էջում տեղեկացնում է ՀՀ  Էներգետիկայի և բնական պաշարների նախարարի տեղակալ Հայկ Հարությունյանը:

Ըստ նրա, 2017 թվականին արտադրվել է 7752,9 մլն կՎտժ, մինչդեռ  2016 թվականին արտադրվել է 7315,1 մլն կՎտժ: Մեկ տարվա կտրվածքով աճը կազմել է 6.0%:

Աճ է արձանագրել նաև արտահանումը: 2017 թվականին արտահանվել է 1404,8 մլն կՎտժ, 2016 թվականին՝ 1220,4 մլն կՎտժ: Աճը կազմել է 15.1%: