Պեսկովը հերքել է Զելենսկու մեղադրանքները ՉԺՀ-ին Ուկրաինայի հակամարտության մեջ ներքաշելու մասին

ՌԴ նախագահի մամուլի քարտուղար Դմիտրի Պեսկովը հերքել է Վլադիմիր Զելենսկու ՝ Մոսկվայի հասցեին հնչեցրած մեղադրանքները ՝ ՉԺՀ-ին Ուկրաինայի հակամարտության մեջ ներքաշելու վերաբերյալ: Կրեմլի ներկայացուցիչն ընդգծել է, որ Պեկինը հավասարակշռված դիրքորոշում ունի։

"Դա այդպես չէ։ Չինաստանը հավասարակշռված դիրք է զբաղեցնում։ Չինաստանը մեր ռազմավարական գործընկերն է, բարեկամ ընկերը: Չինաստանը միշտ շատ, շատ հավասարակշռված դիրք է զբաղեցրել։ Ուստի Զելենսկին ճիշտ չէ", - ասել Է Պեսկովը, փոխանցում է ՏԱՍՍ-ը։

Նախօրեին Չինաստանի ԱԳՆ-ում հայտարարել են, որ Պեկինն իր զինծառայողներին չի ուղարկել ուկրաինական հակամարտությանը մասնակցելու համար, երկրի իշխանությունները քաղաքացիներից պահանջում են խուսափել մարտական գործողություններին ներգրավվելուց: Ավելի վաղ Ուկրաինայում սկսել էին տեղեկություններ տարածել մարտերին ՉԺՀ քաղաքացիների իբր մասնակցության մասին։