Բաքուն սադրանքների է դիմում խաղաղության պայմանագրի ստորագրումը հետաձգելու համար. Թորոսյան

Իշխող «Քաղաքացիական պայմանագիր» կուսակցության պատգամավոր Արսեն Թորոսյանը հայտարարել է, որ Ադրբեջանի կողմից հայկական զինված ուժերի՝ իրենց դիրքերի վրա հարձակումների մասին անդադար կեղծ մեղադրանքները միայն հաստատում են, որ համաձայնեցված խաղաղության պայմանագիրը լավ մշակված փաստաթուղթ է Հայաստանի համար:

Խորհրդարանականի կարծիքով, ներկայումս Ադրբեջանը դիմում է տեղեկատվական սադրանքների՝ նպատակ ունենալով հետաձգել խաղաղության համաձայնագրի ստորագրումը, որը հավանության է արժանացել միջազգային հանրության, այդ թվում՝ խոշոր տերությունների կողմից, քանի որ Բաքուն չէր պլանավորել իրադարձությունների զարգացման այսպիսի սցենար:

«Ադրբեջանի՝ ՀՀ ԶՈՒ կողմից իրենց դիրքերի վրա հարձակումների մասին շարունակական կեղծ պնդումները ևս մեկ անգամ ապացուցում են, որ երկկողմանի համաձայնեցված խաղաղության պայմանագիրը լավ բանակցված փաստաթուղթ է մեր համար», - գրել է Թորոսյանը իր սոցիալական ցանցերի էջում:

«Համաձայնեցված խաղաղության պայմանագիրը արտացոլում է մեր պետական շահերը, հիմնված է միջազգային իրավունքի վրա և պետք է ստորագրվի», - ընդգծել է պատգամավորը:

Այս տեղեկատվությունն արդիական է Հայաստանի և Ադրբեջանի միջև խաղաղության պայմանագրի կնքման հնարավորության մասին վերջին հայտարարությունների, ինչպես նաև ադրբեջանական կողմից նախկինում տարածված՝ հրադադարի ռեժիմի իրբ թե ենթադրյալ խախտումների մասին հաղորդագրությունների ֆոնին: Ադրբեջանի ՊՆ-ն դրանում մեղադրել է հայկական կողմին, որը Հայաստանի պաշտպանական գերատեսչությունը հերքել է:

Փորձագետներն այս հաղորդագրություններում, համադրելով ադրբեջանական պրոկառավարական լրատվամիջոցներում և Telegram ալիքներում շրջանառվող՝ Հայաստանի կողմից Ադրբեջանի վրա իբր շուտով հարձակման մասին տեղեկությունների հետ, տեսնում են Բաքվի կողմից նոր ռազմական էսկալացիայի համար տեղեկատվական հիմք ստեղծելու փորձեր: