Արարատ Միրզոյանը շնորհակալություն է հայտնել Ֆրանսիայի ԱԳ նախկին նախարարին

ՀՀ ԱԳ նախարար Արարատ Միրզոյանը X իր միկրոբլոգում դիմել է Ֆրանսիայի ԱԳ նախկին նախարար Կատրին Կոլոննային։

"Իմ անկեղծ երախտագիտությունն եմ հայտնում Ձեզ բարեկամության և գերազանց համագործակցության համար, որը մենք հաստատել ենք Հայաստանի համար առանձնակի դժվարին ժամանակաշրջանում, ինչպես նաև՝ մեր տարածաշրջանում արդար և կայուն խաղաղության հասնելու Ձեր շարունակական ջանքերի համար"- գրել է Միրզոյանը։

VERELQ-ը հիշեցնում է, որ Ֆրանսիայի ԱԳ նոր նախարար է նշանակվել Ֆրանսիայի նորանշանակ վարչապետ Գաբրիել Ատալի ամուսինը՝ Ստեֆան Սեժուրնեն։