Բորելը Թուրքիայի արտգործնախարարի հետ քննարկել է Ղարաբաղում ստեղծված իրավիճակը

Եվրամիության արտաքին քաղաքականության պատասխանատու Ժոզեպ Բորելը Նյու Յորքում ՄԱԿ-ի Գլխավոր ասամբլեայի շրջանակներում հանդիպել է Թուրքիայի արտգործնախարար Հաքան Ֆիդանի հետ։

Հանդիպման ընթացքում քննարկվել են ԵՄ-Թուրքիա հարաբերությունների ապագայի հետ կապված հարցեր։

«Մենք խոսեցինք ԵՄ-ի և Թուրքիայի միջև հարաբերությունների հետագա քայլերի մասին՝ նախքան զեկույցը, որը ես կներկայացնեմ Եվրահանձնաժողովին և Եվրոպական խորհրդին։ Մենք քննարկել ենք նաև ծայրահեղ տագնապալի իրավիճակը Լեռնային Ղարաբաղում»,- գրել է Բորելը X-ի իր միկրոբլոգում։