Էներգիայի աղբյուրների հոսքը պիտի վերականգնվի առանց սահմանափակումների. Կլաարը հիասթափված է

Խոստումով սկսված օրը կրկին ավարտվեց հիասթափությամբ: Ինչպես բազմիցս վերահաստատվել է ԵՄ–ի կողմից, չափազանց կարևոր է, որ էներգիայի աղբյուրների հոսքը վերականգնվի առանց սահմանափակումների, ինչպես նաև՝ մարդկանց և ապրանքների տեղաշարժը Լաչինի միջանցքով: Այս մասին Twitter-ի իր միկրոբլոգում գրել է տարածաշրջանում ԵՄ հատուկ բանագնաց Տոյվո Կլաարը:

«Բաքու–Ստեփանակերտ երկխոսությունը պետք է սկսվի բռնությանը այլընտրանք տրամադրելու, խիստ անհրաժեշտ վստահություն ձևավորելու և արժանապատվություն ապահովելու նպատակով: ԵՄ–ն անհամբեր սպասում է առաջիկա եռակողմ հանդիպմանը Բրյուսելում Հայաստանի ու Ադրբեջանի ղեկավարների մասնակցությամբ»,- գրել է Կլաարը:

Հիշեցնենք, երեր կեսօրին Ադրբեջանն լրիվությամբ անջատել է նախօրեին վերականգնված գազամատակարարումը: