ԱՄՆ դեսպանի հայտարարությունը հարված է ժողովրդավարությանը. Դավիթ Բաբայան

Արցախի նախագահի խորհրդական Դավիթ Բաբայանը մեկնաբանել է Հայաստանում ԱՄՆ դեսպան Քրիստինա Քվինի հայտարարությունը արցախահայերի՝ Ադրբեջանում բնակվելու հնարավորության մասին։

«ԱՄՆ դեսպանի ասածը ժողովրդավարական տեսանկյունից խայտառակություն է։ Դրանով հարվածում են ժողովրդավարությանը, ոտնահարում մարդու իրավունքները։ Ի՞նչ է նշանակում՝ հավատո՞ւմ են, թե՞ հույս ունեն, որ արցախահայերը կկարողանան գոյատևել Ադրբեջանի կազմում։ Ո՞րն է նրանց հույսի հիմքը։ Նրանք բավականաչափ ուսումնասիրե՞լ են տարածաշրջանը: Այո, նրանք լավ պատկերացում ունեն այս տարածաշրջանի մասին, բայց, ցավոք, այլ նպատակներ ունեն։

Արցախահայերը հավատում են ժողովրդավարությանը: Մենք էլ ենք պայքարել մարդու իրավունքների համար, բայց հիմա ամենաուժեղ դեմոկրատական ​​երկիրը բացահայտ հայտարարում է, որ պատրաստ է ժողովրդավարական երկիրը մղել դեպի տոտալիտար։ Տիկին դեսպան, իսկ Թայվանը, որից դուք կառչում եք ատամներով ու ձեռքերով, չի՞ կարող ապրել որպես Չինաստանի մաս: Նույն մարդիկ չե՞ն, որոնց դուք, սակայն, թույլ չեք տալիս ինտեգրել միմյանց»,- Alpha News-ի եթերում շեշտեց Բաբայանը։

VERELQ-ը հայտնել է, որ Հայաստանի Հանրային հեռուստաընկերությանը տված հարցազրույցում ասել է Հայաստանում ԱՄՆ դեսպան Քրիստինա Քվինը հայտարարել էր, որ Միացյալ Նահանգները հավատում և հույս ունեն` Լեռնային Ղարաբաղում ապրողների իրավունքներն ու անվտանգությունը կպաշտպանվեն Ադրբեջանի կազմում։

Այսպիսով, ամերիկացի դիվանագետը մեկնաբանել է այն մտավախությունները, որ եթե Ղարաբաղը լինի Ադրբեջանի կազմում, ապա այնտեղ ապրող հայերի անվտանգությունն ու իրավունքների պաշտպանությունը անհնարին կդառնա՝ հաշվի առնելով Ադրբեջանի վարած քաղաքականությունը։