Վրաստանում ՀՀ դեսպանը հանդիպել է Կ.Կեկելիձեի անվան ձեռագրերի ազգային կենտրոնի տնօրենի հետ

Հունիսի 17-ին Վրաստանում ՀՀ դեսպան Աշոտ Սմբատյանը հանդիպում ունեցավ Վրաստանի Կ.Կեկելիձեի անվան ձեռագրերի ազգային կենտրոնի տնօրեն Զազա Աբաշիձեի հետ։

Հանդիպմանն անդրադարձ կատարվեց Վրաստանի ձեռագրերի ազգային կենտրոնի և Հայաստանի Մատենադարանի և Գիտությունների ազգային ակադեմիայի միջև ձևավորված արդյունավետ համագործակցությանը։

ՀՀ դեսպանը նաև շրջայց կատարեց Ձեռագրերի ազգային կենտրոնում, որի ընթացքում ծանոթացավ կենտրոնի արխիվում պահվող հայերեն և վրացերեն ձեռագրերին։