Փաշինյանը չի բացառում, որ ՀՀ-ն կարող է դե յուրե դադարեցնել իր մասնակցությունը ՀԱՊԿ-ում

Վարչապետ Նիկոլ Փաշինյանը չի բացառում, որ Հայաստանը կարող է դե յուրե որոշում ընդունել ՀԱՊԿ-ին մասնակցությունը դադարեցնելու կամ կասեցնելու մասին, սակայն դա կանի այն բանից հետո, երբ Հայաստանն արձանագրի, որ ՀԱՊԿ-ը դուրս է եկել Հայաստանից։

Ըստ Նիկոլ Փաշինյանի, եթե Հայաստանը դե յուրե որոշում կայացնի դուրս գալ ՀԱՊԿ-ից, դա կլինի այն պատճառով, որ Հայաստանը արձանագրի, որ ՀԱՊԿ-ը դուրս է եկել Հայաստանից. «Հայաստանից ՀԱՊԿ-ի դուրս գալու» հարցում Փաշինյանն առաջին հերթին նկատի ունի ՀԱՊԿ-ի պարտավորությունները. «Եվ ես չէի ասի, որ այդ հարցը (ՀԱՊԿ-ից դուրս գալու հարցը) օրակարգում չկա, կա։ Քանի դեռ քննարկվող հարց կա, քննարկվում է»,- ասաց Նիկոլ Փաշինյանը՝ հիշեցնելով, որ ներկայումս քննարկվում է ՀԱՊԿ մոնիտորինգի խումբը Հայաստան ուղարկելու հարցը։

«Եվ մենք այս մասին խոսում ենք թափանցիկ, չեմ բացառում, որ Հայաստանի Հանրապետությունը կարող է դե յուրե որոշում ընդունել ՀԱՊԿ-ին մասնակցությունը դադարեցնելու կամ կասեցնելու մասին, բայց դա տեղի կունենա միայն այն դեպքում, եթե մենք արձանագրենք, որ ՀԱՊԿ-ը դուրս է եկել Հայաստանից»,- ասել է Նիկոլ Փաշինյանը:

«Այսինքն՝ այս դեպքում ՀԱՊԿ դե յուրե մասնակցի կարգավիճակը, որը ոչինչ չի տալիս, միայն կխանգարի մեզ այլ երկրների հետ քննարկել անվտանգության օրակարգը։ Ի՞նչ եք կարծում, Հայաստանն այլ առաջարկներ չի՞ ստացել այլ երկրներից զենքի ձեռքբերման ոլորտում։ Իհարկե, ստացել է, բայց այս հնարավորությունների սահմանափակվածությունը հիմնականում պայմանավորված է եղել Հայաստանի անդամակցությամբ ՀԱՊԿ-ին»,- ասաց Նիկոլ Փաշինյանը։

Մինիևնույն ժամանակ Փաշինյանը հայտարարեց, որ Հայաստանի նկատմամբ Ռուսաստանի վերաբերմունքը թշնամական չի համարում։ «Ընդհակառակը, մենք պետք է ամեն ինչ անենք մեր հարաբերությունները զարգացնելու և խորացնելու համար»,- ասել է Նիկոլ Փաշինյանը։