ԵԱՀԿ գործող նախագահը կայցելի Հայաստան, Ադրբեջան և Վրաստան

ԵԱՀԿ գործող նախագահ, Հյուսիսային Մակեդոնիայի արտաքին գործերի նախարար Բույար Օսմանին ապրիլի 10-13-ը կայցելի Հայաստան, Վրաստան և Ադրբեջան, որտեղ հանդիպումներ կունենա պետական պաշտոնյաների և այլ շահագրգիռ կողմերի հետ։

ԵԱՀԿ մամուլի ծառայությունից հայտնում են, որ Օսմանին հանդիպումներ կունենա ԱԺ պատգամավորների, քաղաքացիական հասարակության ներկայացուցիչների հետ։

Այցի հիմնական նպատակն է ԵԱՀԿ-ի, Հայաստանի, Վրաստանի և Ադրբեջանի միջև համագործակցության ամրապնդումը, անվտանգության առկա մարտահրավերների լուծումը և Հարավային Կովկասի տարածաշրջանում երկխոսության միջոցով խաղաղության ու կայունության խթանումը: