Արցախից հերքում են, թե Արայիկ Հարությունյանը Սևանում առանձնատուն է կառուցում

«Սեւանի ափին Արցախի նախագահի համար շքեղ առանձնատուն է կառուցվում» վերտառությամբ Aravot.am-ի հրապարակած այս հոդվածը ոչ միայն իրականության հետ որևէ աղերս չունի, այլև Արցախի շուրջ այս օրերին տեղի ունեցող ծանր զարգացումների ֆոնին տեղեկատվական անընդունելի արշավ ենք համարում: Այս մասին հայտնում են ԱՀ նախագահի աշխատակազմից։

"Պահանջում ենք հիշյալ լրատվամիջոցից սխալ տեղեկություն տարածելու համար հանդես գալ համապատասխան հերքմամբ, այլապես ստիպված կլինենք տարածված զրպարտության հիմքով դիմել դատական ատյաններ",- ասված է հաղորդագրության մեջ: