Կապան-Ճակատեն շրջանցիկ հատվածը սկսել են ասֆալտապատել

Կապան-Ճակատեն շրջանցիկ ճանապարհահատվածում սկսվել են ասֆալտապատման աշխատանքները։

«Մ-17 /Մ-2/ (Կապան)-Ծավ- /Մ-2/, Կապան-Ճակատեն շրջանցիկ հատվածում մեկնարկել են ասֆալտապատման աշխատանքները։ Մոտ 7.5կմ երկարությամբ նոր կառուցվող ճանապարհը միմյանց է կապում Ճակատեն, Շիկահող, Սրաշեն, Ծավ, Շիշկերտ բնակավայրերը։

Շինարարական աշխատանքները կատարում է «Կապանի ՃՇՇ» ՍՊԸ-ն, տեխնիկական հսկողությունը՝ «Հալդի Քոնսալթ» ՍՊԸ-ն», - հայտնում է Ճանապարհային դեպարտամենտ հիմնադրամը։