Ստեփանակերտի պատերազմից վնասված ծննդատան նոր մասնաշենքի շինաշխատանքները ավարտվել են

Ավարտվել են հանրապետական բժշկական կենտրոնում ծննդատան համար նախատեսված նոր մասնաշենքի շինարարական աշխատանքները։ Այս մասին հաղորդում է Արցախի Քաղաքաշինության նախարարությունը։

Ստեփանակերտի «Մոր և մանկան առողջության պահպանման կենտրոն» ՓԲԸ-ի՝ պատերազմի հետևանքով վնասված նոր մասնաշենքի վերակառուցման շինաշխատանքներն ավարտվել են։

Շենքի վերականգման աշխատանքներին մասնակցում էին թվով 4 շինարարական կազմակերպություն՝ «Պանտ» ՍՊԸ, «Բլարգ» ՍՊԸ, «Արմեն Շին» ՍՊԸ և «Ալեք Շին» ՍՊԸ։

Շինարարությունն իրականացվել է պետական բյուջեի միջոցներով։

Շինարարական աշխատանքների որակի հսկողությունն իրականացվել է ԱՀ քաղաքաշինության նախարարության կապիտալ շինարարության վարչության տեխնիկական հսկողության մասնագետների կողմից։