Նիկոլ Փաշինյանը հանդիպել է ՀԱՊԿ երկրների ԱԳ նախարարների հետ

Վարչապետ Նիկոլ Փաշինյանը հանդիպում է ունեցել Հավաքական անվտանգության պայմանագրի կազմակերպության (ՀԱՊԿ) անդամ երկրների արտաքին գործերի նախարարների և կազմակերպության գլխավոր քարտուղար Ստանիսլավ Զասի հետ։

Իր ելույթում Փաշինյանը հիշեցրել է, որ 2022 թվականը կրկնակի հոբելյանական է՝ նշվում է Հավաքական անվտանգության պայմանագրի ստորագրման 30-ամյակը և կազմակերպության ստեղծման 20-ամյակը։ Նա գոհունակությամբ նշեց, որ կորոնավիրուսի պանդեմիայից հետո ավանդական դինամիկան վերականգնվում է.

«Հոբելյանը լավ առիթ է անցած ճանապարհը վերլուծելու և ձեռքբերումները վեր հանելու համար»,- ասաց Փաշինյանը։

Հիշեցնենք, այսօր Երևանում ՀՀ ԱԳ նախարար Արարատ Միրզոյանի նախագահությամբ ընթանում է Հավաքական անվտանգության պայմանագրի կազմակերպության արտաքին գործերի նախարարների խորհրդի նիստը: