Գերմանիայում կբացվի Թումո ստեղծարար տեխնոլոգիաների կենտրոնի մասնաճյուղերի ցանցը

Թումո ստեղծարար տեխնոլոգիաների հայկական կենտրոնը և KfW գերմանական զարգացման բանկը ստորագրեցին համաձայնագիր, որով նախատեսվում է Գերմանիայում TUMO և TUMO-box կենտրոնների ցանցի բացում Թումո-Berlin մասնաճյուղի հաջող փորձի հիման վրա:

Ինչպես հաղորդվում է TUMO-ի մամուլի տեղեկագրում, փաստաթղթի ստորագրման արարողության ժամանակ KFW-ի թվայնացման գծով տնօրեն Միխայել Շտրաուսը նշել է, որ Tumo-Berlin-ի բացումը հիանալի հնարավորություններ է ընձեռել Բեռլինի երիտասարդներին:

"Այսօր ստորագրված համաձայնագիրը մեծ քայլ առաջ է, քանի որ հնարավորություն կտա Tumo-Berlin - ի արդյունավետ փորձը տարածել ողջ Գերմանիայում", - ասել է Շտրաուսը:

Հետագայում TUMO միջազգային ցանցը Ֆրանսիայում, Ռուսաստանում, Ալբանիայում, Ուկրաինայում, Լիբանանում կհամալրվի ԱՄՆ-ի և Պորտուգալիայի կենտրոններով։