Դա կատակ էր. երկնիշ տնտեսական աճ չկա, բայց Վահան Քերոբյանը հրաժարական չի տա

2021 թվականի ապրիլին ՀՀ էկոնոմիկայի նախարար Վահան Քերոբյանը հայտարարեց. «Եթե Հայաստանը երկնիշ տնտեսական աճ չունենա, հրաժարական կտամ»: Նա նաև պնդեց, որ մինչև տարեվերջ երկիրը կապահովի երկնիշ տնտեսական աճ:

Ժամանակը ցույց տվեց, որ ինչպես այս իշխանության շատ հայտարարություններ և կոնկրետ այդ նախարարի, այս մեկը ևս իրականության հետ որևէ աղերս չունի: Բայց արդյոք նախարարը պատրաստվում է կատարել տղամարդու խոսքը:

Ազգային ժողովում այս հարցը ևս բարձրացվեց: Մասնավորապես, ԱԺ «Հայաստան» խմբակցության պատգամավոր Արեգնազ Մանուկյանը միացրեց այդ ճեպազրույցի ձայնագրությունն ու  Վահան Քերոբյանին հարցրեց՝  ե՞րբ է հրաժարական տալու, քանի որ երկնիշ տնտեսական աճ Հայաստանը չի ապահովել:

հարցին:ՀՀ էկոնոմիկայի նախարար Վահան Քերոբյանը պնդում է, որ կատակ է արել, երբ հայտարարել է, որ երկնիշ տնտեսական աճ չապահովելու դեպքում հրաժարական կտա:

«Կատակ եմ արել: Այդ արտահայտությունը կատակով արված արտահայտություն էր, որովհետև այն կոնտեքստը, որում դա ասվել է, եղել է կատակով արված արտահայտություն»,- ասաց նախարարը:

Ապա անցավ հարձակման՝ հարցնելով պատգամավորին, թե արդյոք վերջինս նույն պատվախնդրությամբ գնում, թակում է միջազգային կազմակերպությունների՝ Արժույթի միջազգային հիմնադրամի, Համաշխարհային բանկի, Ասիական զարգացման բանկի և մյուսների դռները, որոնք նույնպես կանխատեսումներ են արել և վրիպել են իրենց կանխատեսումներում:  

Ընդդիմադիր պատգամավորն էլ արձագանքեց՝ այսօրինակ պատասխանից հետո նախարարի բոլոր խոսքերը, փաստորեն, ստիպված պետք է լինենք ընդունել կատակով. «Այդ խոստումը տալով ստել եք»,- հավելեց Մանուկյանը: