Տոյվո Կլաարը ողջունել է Հայաստանի կողմից ադրբեջանցի երկու զինծառայողների փոխանցումը

Հարավային Կովկասում եւ Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը ողջունել է Հայաստանի կողմից երկու ադրբեջանցի զինծառայողների փոխանցումը:

«Մենք ողջունում ենք երեկ Հայաստանի կողմից երկու ադրբեջանցի զինծառայողների փոխանցումը։ Դա կարեւոր մարդասիրական ժեստ է, որն ամրապնդում է վստահությունը», - գրել է նա Twitter-ի իր միկրոբլոգում ։

VERELQ-ը հիշեցնում է, որ ս. թ. դեկտեմբերի 18-ին ՀՀ ՊՆ N զորամասի պաշտպանական տեղամասերից մեկում հայ զինծառայողների կողմից ձերբակալվել են սահմանը խախտած Ադրբեջանի ԶՈՒ երկու զինծառայողներ:

Դեկտեմբերի 20-ին մարդասիրական նկատառումներով եւ ՌԴ միջնորդությամբ զինծառայողները վերադարձվել են ադրբեջանական կողմին: