Այսօր Հայաստանի եւ Ադրբեջանի սահմանին անցկացված ԵԱՀԿ առաքելության դիտարկման ընթացքում հակառակորդի զինված ուժերը խախտել են հրադադարի ռեժիմը: Twitter-ի իր էջում Հայաստանի ԱԳՆ մամուլի քարտուղար Տիգրան Բալայանը գրել է, որ Ադրբեջանի Զինված ուժերը կրակ են բացել ԵԱՀԿ-ի դիտարկման ժամանակ: Դիտարկումն անցկացվել է Տավուշի մարզի Չինարի գյուղի ուղղությամբ: ԵԱՀԿ-ի անցկացրած դիտարկման ժամանակ Ադրբեջանի Զինված ուժերը մի քանի անգամ խախտել են հրադադարի ռեժիմը: Այս տեղեկատվությունը հաստատել է նաեւ ՀՀ պաշտպանության նախարարի մամուլի քարտուղար Արծրուն Հովհաննիսյանը: Նրա խոսքով՝ դիտորդական խումբն անմիջականորեն կրակահերթերի տակ չի եղել: Հակառակորդի զինուժը կրակ է բացել հայկական դիրքերի ուղղությամբ:
