ՀՀ Կենտրոնական ընտրական հանձնաժողովն արտահերթ նիստում հաստատել է մայիսի 14-ին Երևանի ավագանու ընտրությունների նախապատրաստման և անցկացման հիմնական միջոցառումների ժամանակացույցը: Փետրվարի 17-ից մինչև մայիսի 21-ը նախատեսված է 77 միջոցառում: Կուսակցությունները, կուսակցությունների դաշինքները գրանցման համար փաստաթղթերը ԿԸՀ պետք է ներկայացնեն մարտի 30-ից ապրիլի 9-ը: Կուսակցությունները, կուսակցությունների դաշինքների ընտրական ցուցակների գրանցումը կատարվելու է ապրիլի 9-14-ը: Նախընտրական քարոզչությունը սկսվելու է ապրիլի 21-ից:
