ՀՀ իշխանությունների հռետորաբանությւնը խոսում է այն մասին, որ նրանք նպատակ ունեն գործել ռեպրեսիվ մեթոդներով: Այդ մասին այսօրվա ասուլիսում հայտարարել է քաղաքագետ, Modus Vivendi կենտրոնի ղեկավար Արա Պապյանը՝ մեկնաբանելով Սերժ Սարգսյանի երեկվա ելույթը: Նրա խոսքով, արդեն այսօր խախտվում են Սասնա ծռեր խմբի անդամների իրավուքնները, որոնք Երևանում ՊՊԾ-ը գնդի երկու շաբաթ տևած գրավումից հետո զենզերը վայր են դրել և հանձնվել իշխանություններին: Ինչպես նշել է Պապյանը, Սասնա ծռեր խմբի անդամներին ծեծում են, նրանց պահում են անմարդկային պայմաններում, բացի այդ, ուժայինները ճնշում են գործադրում նրանց հարազատների վրա: Պապյանի խոսքով, եթե պետության ղեկավարը ասում է, որ ՀՀ-ում ուժով հարցեր չեն լուծվում, ապա այդ կանոնը պետք է տարածվի անխտիր բոլորի վրա: Նա ուշադրություն հրավիրեց այն հանգամանքի վրա, որ Սարգսյանը ցավակցություն է հայտնել զոհված ոստիկանների ընտանիքներին և ոչ մի խոսք տասնյոթամյա երիտասարդի մասին, ով ոստիկանների ու ցուցարարների բախման ժամանակ կորցրել էր աչքը: Պապյանը հավելեց, որ անհասկանալի են նաև գովեստի խոսքերն ուղղված իրավապահ մարմիններին, որոնք այս ընթացքում այդքան բացթողումներ են ունեցել:
