ՀՀ օրենսդրությամբ եւ Սահմանադրությամբ երկրորդ, այս դեպքում նաեւ երրորդ երկրի քաղաքացիություն ունեցող անձը չի կարող լինել ոչ պատգամավորի, ոչ վարչապետի թեկնածու: Այս մասին լրագրողների հետ զրույցում հայտարարեց վարչապետ Նիկոլ Փաշինյանը՝ արձագանքելով «Ուժեղ Հայաստան» կուսակցության կողմից գործարար Սամվել Կարապետյանին որպես վարչապետի թեկնածու առաջադրելուն։ «Ձեր ասածը ոչ դե յուրե ոչ դե ֆակտո գոյություն չունի, հետեւաբար գոյություն չունեցող բանը հարկ չեմ համարում մեկնաբանել»,– ասել է Փաշինյանը։
