Մոսկվան արձանագրել է, որ Հայաստանում կողմերը կարողացել են համաձայնության գալ ընտրությունների անցկացման ժամկետի շուրջ և հույս ունի, որ նախընտրական շրջանը կանցնի կառուցողական մթնոլորտում՝ ուղղված երկարաժամկետ արդյունքի հասնելուն։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: Նա շեշտել է, որ Հայաստանում արտահերթ խորհրդարանական ընտրություններ անցկացնելու որոշումը Ռուսաստանը դիտարկում է որպես երկրի ներքին գործ: VERELQ-ը հիշեցնում է, որ Նիկոլ Փաշինյանն այսօր հայտարարեց, որ արտահերթ խորհրդարանական ընտրությունները Հայաստանում կանցկացվեն հունիսի 20-ին:
