Շարունակվում են քննարկումները տարբեր երկրների և ընկերությունների հետ՝ նոր ատոմային բլոկի կառուցման վերաբերյալ։ Այս մասին այսօր ՀՀ Ազգային ժողովում կայացած տնտեսական հարցերի մշտական հանձնաժողովի նիստում հայտնել է Տարածքային կառավարման և ենթակառուցվածքների նախարար Դավիթ Խուդաթյանը։ «Հայաստանի կառավարությունն արդեն ընտրել է ատոմակայանի տեսակը՝ մոդուլային։ Առաջիկա մեկ տարվա ընթացքում կամ 2027 թ.-ի սկզբին մենք կընտրենք մոդելը, որից հետո կանցնենք հաջորդ փուլին», - ասել է Խուդաթյանը։
