Կիմ Չեն Ընը կհանդիպի Թրամփին, Հյուսիսային Կորեայի առաջնորդը բոլորից ճկուն գտնվեց, կարծում է Թաֆթս համալսարանի իրավունքի և դիվանագիտության Ֆլեթչեր դպրոցի գիտաշխատող Սուրեն Սարգսյանը։ Նրա խոսքով, Հյուսիսային Կորեայի առաջնորդն իր համար բավականին հարմար պահի է հանդիպում ԱՄՆ նախագահի հետ։ «Հյուսիսային Կորեայի առաջնորդը բոլորից ճկուն գտնվեց. ստեղծեց միջուկային զենք, չնայած աննախադեպ ճնշումներին։դարձավ միջուկային պետություն, չնայած «կարմիր գիծը» չանցնելու ամերիկյան 10-ամյա կոչերին։հիմա արդեն միջուկային պետության դիրքերից պատրաստ է բանակցել, այն էլ թիվ մեկ թշնամու՝ ԱՄՆ նախագահ Թրամփի հետ։Այս ամբողջ պատմության մեջ Կիմ Չեն Ընն ավելի ճկուն գտնվեց, քան վեցնյակի պետությունները, որոնք տարիներ շարունակ բանակցում էին միջուկային ծրագրի շուրջ։ Մայիսին , հավանաբար կկայանա Թրամփ-Կիմ Չեն Ըն պատմական հանդիպումը», - գրում է Սուրեն Սարգսյանն Facebook-ի իր էջում։ Ավելի վաղ հայտնի դարձավ, որ ԱՄՆ-ի նախագահ Դոնալդ Թրամփը տվել է իր համաձայնությունը՝ հանդիպել Հյուսիսային Կորեայի առաջնորդ Կիմ Չեն Ինի հետ մինչեւ մայիս: Այս մասին հայտարարել է Հյուսիսային Կորեայի նախագահի՝ ազգային անվտանգության հարցերով խորհրդական Չոն Իյ Էնը: «ԿԺԴՀ-ի վրա գործադրվող ճնշումները շարունակվում են, մինչեւ որ Հյուսիսային Կորեան իր խոսքերը գործի վերածի»,-հավելել է Էնը: ԱՄՆ-ի նախագահի համաձայնությունը՝ Կիմ չեն Ինի հետ հանդիպելու մասին, հաստատել է նաեւ Սպիտակ տան մամուլի քարտուղար Սառա Սանդերսը: Ըստ նրա խոսքերի, հանդիպման տեղն ու ժամը կհամաձայնեցվի քիչ ավելի ուշ, իսկ մինչ այդ ճնշումներն ու պատժամիջոցները Կորեայի նկատմամբ կպահպանվեն:
