Այսօր առավոտյան Իրանի խորհրդարանում ահաբեկչության զոհ է դարձել 7 մարդ: Այս մասին հաղորդում է Tasnim գործակալությունը: Ավելի վաղ նշվում է, որ արձակված կրակոցներից զոհվել է մեկը, ևս ութը վիրավորվել: Աղբյուրի հաղորդմամբ, չորս անձ մինչ այս պահը պատանդ է պահվում հարձակվողների կողմից: Fars գործակալության հաղորդմամբ, հարձակվողներից մեկը մահապարտ է, նրան շրջապատել են իրավապահները: Ընդհանուր առմամբ հարձակվողներիը երեքն են եղել: Որոշ ԶԼՄ-ներ հայտնում են, որ հարձակվողներից մեկը լիկվիդացվել է: 12.35 France Press-ի հաղորդմամբ՝ հարձակվողներից մեկն ինքն իրեն պայթեցրել է Իրանի խորհրդարանում: Ավելի վաղ VERELQ-ը տեղեկացրել էր, որ «Իսլամական պետության» Լիբիայի ներկայացուցչությունը ստանձնել է այսօր Թեհրանի խորհրդարանում տեղի ունեցած զինված միջադեպի պատասխանատվությունը: