Քաղաքացու օրվա միջոցառումները 124 մլն դրամ կարժենան

Կառավարությունը պահուստային ֆոնդից կհատկացնի 124 միլիոն դրամ՝ Քաղաքացու օրվան նվիրված միջոցառումների իրականացման նպատակով:

Ինչպես նշված է նախագծում, այս գումարով Հայաստանի բոլոր մարզերում և Երևան քաղաքում պետք է պատշաճ կերպով իրականացվեն «Քաղաքացու օրվան» նվիրված միջոցառումները։

Ավելի վաղ Ազգային ժողովը հաստատեց՝ ապրիլի վերջին շաբաթ օրն այսուհետ կնշվի որպես Հայաստանի Հանրապետության քաղաքացու օր, որպես Հայաստանում կատարված հեղափոխության խորհուրդ։