Օգոստոսի 1-ին, Կոտայքի մարզի Նոր Արտամետ համայնքի տներից մեկում դանակահարված քաղաքացի, Երևանի ավագանու «Իմ քայլը» խմբակցության անդամ Ա. Անտոնյանին այսօր տեղափոխել են Միքայելյան համալսարանական հիվանդանոց: Ինչպես հայտնում է ԵՊԲՀ աշխատակազմի ղեկավար Շուշան Դանիելյանը, այլ բժշկական հաստատությունում կատարված կրծքավանդակի և որովայնի վիրահատություններից հետո համալսարանական հիվանդանոց տեղափոխված քաղաքացու առողջական վիճակը գնահատվում է ծանր, նրան միացված է արհեստական շնչառության սարք: Հավելյալ կտրվի լրացուցիչ տեղեկատվություն: VERELQ-ը հիշեցնում է, որ Երևանի ավագանու անդամ Արման Անտոնյանը հարձակման է ենթարկվել կիրակի օրը։ Նրան մոտ մեկ տասնյակ դանակի հարվածներ են հասցրել: Երևանի ավագանու նրա գործընկերները կարծում են, որ հարձակումը կապ ունի Անտոնյանի գործունեության հետ։
