Հայաստանի և Թուրքիայի հատուկ ներկայացուցիչները հասել են պայմանավորվածության՝ Հայաստանի ու Թուրքիայի միջև սահմանը բացել 3-րդ երկրների քաղաքացիների համար ու Թուրքիա-Հայաստան և հակառակ ուղղությամբ բեռնափոխադրումներ իրականացնել օդային տրանսպորտով: Այս մասին կառավարության այսօրվա նիստում հայտարարեց վարչապետ Նիկոլ Փաշինյանը: «Հիմա շատ կարևոր է, որ մեր գերատեսչությունները Թուրքիայի համապատասխան գերատեսչությունների հետ աշխատեն, որովհետև քաղաքական պայմանավորվածությունը՝ պայմանավորվածություն, բայց այդ աշխատանքից է կախված դրանց իրագործումը», - ասաց նա: Ըստ այդմ, Նիկոլ Փաշինյանը հանձնարարեց կոորդինացված աշխատել, որ հնարավորինս շուտ կարողանան իրագործել ձեռք բերված պայմանավորվածությունները:
