ԱՊՀ-ի երկրները համաձայնեցրել են ՀՕՊ-ի միավորված համակարգի հետագա զարգացումը

ԱՊՀ-ի երկրների զինված ուժերի շտաբների պետերը համաձայնեցրել են հակաօդային պաշտպանության միավորված համակարգի հետագա զարգացումը: Այդ մասին հայտնել է ՌԴ զինված ուժերի գլխավոր շտաբի պետ բանակի գեներալ Վալերի Գերասիմովը՝ փակելով ԱՊՀ-ի երկրների շտաբների պետերի կոմիտեի նիստը:

«Համատեղ աշխատանքի շրջանակում հավանություն է տրվել մինչեւ 2025 թվականը ռազմական համագործակցության զարգացման հիմունքներին, համաձայնեցված են օդատիեզերական պաշտպանության խնդիրների լուծմանը ՀՕՊ-ի միավորված համակարգի ադապտացման ուղիները, ինչպես նաեւ նախանշված են հաջորդ տարվա համատեղ միջոցառումները»,-ասել է Գերասիմովը: