ԵՄ-ն «ոչինչ չսովորեց՝ չնայած սարսափելի ահաբեկչություններին»․ Վիկտոր Օրբան

Հունգարիայի կառավարությունը ԵՄ առաջնորդներին մեղադրել է զանգվածային միգրացիային նպաստելու համար։ Երկրի քաղաքացիները ստացել են վաևչապետ Վիկտոր Օրբանի նամակը, որում նա նախազգուշացնում է, որ «բրյուսելյան բյուրոկրատները ուզում են կոտրել ներգաղթին դիմակայող երկրների դիմադրությունը»՝ հայտնում է Reuters-ը։

Նամակում Օրբանը գրում է, որ ԵՄ-ն «ոչինչ չսովորեց՝ չնայած վերջին տարիների սարսափելի ահաբեկչություններին, եւ ուզում է ավելի շատ միգրանտներ գրավել դեպի Եվրոպա» այն նոր միջոցառումների օգնությամբ, որոնք այժմ նախաձեռնվում են։

Առանձին թղթի վրա թվարկված են ԵՄ-ի յոթ ենթադրվող միջոցառումները, որոնք Օրբանի պնդմամբ՝ նպաստում են միգրացիային։ «Մենք ուզում ենք պաշտպանել մեր անվտանգությունը եւ մեր քրիստոնեական մշակույթը»՝ նշելով, որ «իր նպատակին հասնելու համար» ԵՄ-ն ուզում է գալ այնպիսի երկրների հախից, ինչպիսին Հունգարիան է, որը դիմադրում էր ապաստան խնդրողներին ընդունելուն։

Եվրոպական հանձնաժողովի հունգարական գրասենյակը հրապարակել է Օրբանի մեղադրանքների մանրամասն հերքումը։