Մայրիկիս փոխանցիր, որ ես իրեն սիրում էի. Կեմերովոյում ողբերգության զոհերի ձայները

ՌԴ-ի Կեմերովո քաղաքում առեւտի տանը տեղի ունեցած խոշոր հերդի ժամանակ տարածքում գտնված Տրեշեւսկի ավանի 5Ա դասարանի աշակերտներից վեցի մասին մինչ այժմ տեղեկություն չկա։

Ինչպես հայտնում են ռուսաստանյան ԶԼՄ-ները, այս մասին պատմել է տեղի միջնակարգ հանրակրթական դպրոցի քարտուղարը։ Նշվում է, որ նրանք դասղեկի հետ միասին Կոմերովո էքսկուրսիայի էին գնացել։

Հրդեհի պահին, ըստ նախնական տվյալների, երեխաները «Զիմնյայա վիշնյա» առեւտրի կենտրոնի կինոդահլիճներից մեկում մուլտֆիլմ են դիտել։

Ժամը 17:00-ին երեխաներից մեկը զանգահարել է հորաքրոջը եւ հայտնել, որ շենքը այրվում է, իսկ իրենք չեն կարողանում դուրս գալ։

«Հրդեհի սկսվելուց հետո կինոթատրոնից ինձ զանգահարեց քրոջս աղջիկը: Նա պատմում էր, որ ամեն ինչ այրվում է, դռները փակ են: Նա ասում էր, որ չի կարողանում շնչել, դուրս գալ: «Մայրիկիս փոխանցիր, որ ես իրեն սիրում էի: Բոլորին փոխանցիր, որ ես իրենց սիրում էի»,-պատմել է կինը:

Նախնական տվյալներով, դասղեկին հաջողվել է փրկվել։ Նա չի գնացել մուլտֆիլմ դիտելու եւ որոշել է զբոսնել առեւտրի կենտրոնում։

Ռուսաստանի Դաշնության Քննչական կոմիտեն քրեական գործ է հարուցել եւ կալանավորել է 4 մարդու: Քննիչները ձերբակալել են «Զիմնյայա վիշնյա» առեւտրի կենտրոնը կառավարող ընկերության ղեկավարներին։

Ավելի վա ղ հայտնել էինք, որ Կեմերովոյի առեւտրի տանը կրկին հրդեհ է բռնկվել, զոհերի թիվը հասել է 64-ի: Տուժածների շրջանում, ըստ նախնական տեղեկություների, կան նաեւ հայեր: