Էրդողանը զգուշանում է, որ Աֆրինը կվերածվի թուրքական քրդերի համար թիկունքի․ փորձագետ

Թուրքերը հայտարարել են, որ Սիրիայում քրդերի բանակը կապ ունի թուրքական քրդերի հետ, որոնք Թուրքիայում համարվում են ահաբեկիչներ և ծայրահեղականներ։

Թուրքերը ցանկանում են ստեղծել Սիրիայի հյուսիսում 30կմ–ոց բուֆերային գոտի`ոչնչացնել քրդերի ռազմական ներուժը։ Էրդողանը զգուշանում է, որ քրդերը կստեղծեն իրենց ինքնավարությունը, որն էլ կվերածվի թիկունքի`թուրքական քրդերի համար։Այդ մասին հայտարարել է Մերձավոր Արևելքի հարցերով փորձագետ Մարիուշ Բորկովսկին։

Նա նշել է, որ քրդերի երազանքը`Քրդստանն է, որը պետք է ստեղծվի թուրքական, սիրիական, իրաքյան տարածքների վրա, սակայն այդ տարածքները հարուստ են նավթով, ունեն ռազմավարական նշանակություն և այդ սցենարը դեռևս քիչ հավանական է։

Ըստ նրա, 30-40 տարի անց հնարավոր է քրդերն ունենան իրենց ինքնավարությունը, սակայն դա կպահանջի մեծ զոհեր։