Մարգվելաշվիլին չի պատրաստվում ներում շնորհել Սաակաշվիլիին

Վրաստանի նախագահ Գեորգի Մարգվելաշվիլին հայտարարել է, որ չի ծրագրում ներել պետության նախկին նախագահ Միխայիլ Սաակաշվիլիին, ով հեռակա կարգով դատապարտված է հայրենիքում։

«Ի՞նչ տրամաբանությամբ ես պետք է ներեմ Սաակաշվիլիին…Վրաստանի նախագահը պետք է ների և դրանով իսկ ուղղի՞ սխալները։ Համաներումը ճակատագրական սխալի ուղղում չէ»,-ասել է Մարգվելաշվիլին «Ռուսթավի 2» հեռուստաընկերության հետ հարցազրույցում։

Նախագահի խոսքով՝ Սաակաշվիլին հիմնել է համակարգ, որն աշխատում է մինչ օրս, և նոր իշխանությունները չեն կարողացել քանդել այն, հետևաբար՝ դատախազությունն ու դատարանը գործում են՝ ըստ հին ավանդույթների։