Ավելի քան 60 հազար ամերիկացի ստորագրել է Սորոսին ահաբեկիչ ճանաչելու մասին պահանջագրի տակ

Ավելի քան 60 հազար ամերիկացի  ստորագրել է ԱՄՆ նախագահ Դոնալդ Թրամփին ուղղված պահանջագրի տակ՝ պահանջելով ճանաչելու ամերիկացի միլիարդատեր Ջորջ Սորոսին ահաբեկիչ: Այս մասին ասված է Սպիտակն տան կայքում հրապարակված պահանջագրի տեքստում:

ՌԻԱ Նովոստիի հաղորդմամբ, ներկա պահի դրությամբ պահանջագիրը ստորագրել է 63 հազար 199 մարդ: Որպեսզի Սպիտակ տունն այն քննարկի, մինչև սեպտեմբերի 19-ը պահանջագիրը պետք է հավաքի ևս 37 հազար ստորագրություն:

Փաստաթղթում, մասնավորապես, ասվում է, որ Ջորջ Սորոսը միտումնավոր և մշտական հիմունքներով փորձել է ապակայունացնել և բռնության այլ ակտեր իրագործել ԱՄՆ և դրա բնակչության նկատմամբ: Ելնելով դրանից, Միացյալ Նահանգները և Արդարադատության նախարարությունը պետք է անհապաղ Ջորջ Սորոսին և նրա բոլոր կազմակերպություններն ու անդամներին հռչակի ահաբեկիչներ՝ առգրավելով ունեցվածքն ու ակտիվները համաձայն օրենքի:

Սորոսը ամերիկացի ֆինանսիստ ու ներդրող է, ում գործունեությունը ոչ միանշանակ գնահատականի է արժանանում: Բացի ֆինանսներից, Ջորջ Սորոսն ակտիվ զբաղվում է նաև քաղաքականությամբ ու չի թաքցնում, որ, մասնավորապես, իր հիմնաադրամները աջակցել են Ուկրաինայում իշխանափոխությանը 2004 թվականին և 2013 թվականի եվրոմայդանին: