ԵԱՏՄ պետություններում ռոումինգը կվերանա

Եվրասիական տնտեսական միության (ԵԱՏՄ) անդամ պետությունները՝ Ռուսաստանը, Բելառուսը, Ղազախստանը, Հայաստանն ու Ղրղզստանտ 2018-2019 թվականներին հնարավոր է չեղարկեն ռոումինգ ծառայությունը: Այս մասին հայտարարել է Ռուսաստանի դաշնային հակամենաշնորհային ծառայության պետի տեղակալ Անատոլի Գոլոմոլզինը:  

«Մենք կարծում ենք, որ կա հնարավորություն 2018-2019թվականներին ԵԱՏՄ-ում լուծելու այդ խնդիրը», — ՏԱՍՍ հաղորդմամբ հայտարարել է նա:

Աղբյուրը հիշեցնում է, որ ավելի վաղ ՌԴ Դաշնային խորհրդի նախագահ Վալենտինա Մատվիենկոն առաջարկել էր չեղարկել ռոումինգ ծառայությունը Ռուսաստանի և Բելառուսի միջև, իսկ հանրապետության ղեկավար Ալեքսանդր Լուկաշենկոն հավանության էր արժանացրել այդ նախաձեռնությունը: