Մամեդյարով. Այս տարի կավարտվի «Բաքու-Թբիլիսի-Կարս» երկաթուղու կառուցումը

Պուտինն ու Օբաման անձամբ կպայմանավորվեն հանդիպման մասին

30.08.2016

ՌԴ և ԱՄՆ նախագահները կտեսնվեն չինական Հանչժոույում կայանալիք G20 գագաթնաժողովի շրջանակում և կկարողանան պայմանավորվել երկկողմ հանդիպման մասին: Այս մասին ասել է ՌԴ նախագահի խոսնակ Դմիտրի Պեսկովը:

«Ինտերֆաքսի» հաղորդմամբ, Պեսկովն ասել է, որ այսպես թե այնպես՝ Վլադիմիր Պուտինն ու Բարաք Օբաման կհանդիպեն գագաթնաժողովի շրջանակում:

«Եթե հիշենք վերջին G20, ապա այնտեղ հենց այդպես էլ եղել է. Նրանք հանդիպման մասին որոշում կայացրեցին ու հենց իրենք էլ այդ մասին պայմանավորվեցին»,- ասել է Պեսկովը:

Ավելի վաղ տեղեկություն հայտնվեց, որ առաջիկայում հնարավոր է Պուտին-Օբամա հանդիպում կայանա: