Կրեմլն ափսոսում է Ռուսաստանի վերաբերյալ Փենսի հռետորաբանության համար եւ կողմնորոշվում է Թրամփի դիրքորոշմամբ: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն: Նրա խոսքով՝ Կրեմլում հույս ունեն, որ ԱՄՆ-ի դիրքորոշումը կհստակեցվի: Նա նշել է, որ Մոսկվան կողմնորոշվում է Թրամփի հիմնարար դիրքորոշմամբ: Պեսկովը հայտարարել է, որ Ռուսաստանի վերաբերյալ նման կարգի ձեւակերպումները ափսոսանք են հարուցում:Հիշեցնենք, ԱՄՆ փոխնախագահ Մայք Փենսը հայտարարել է, որ Ռուսաստանը, Իրանը եւ ահաբեկչությունը աշխարհի գլխավոր սպառնալիքներն են:
