29.03.2024
Ֆրանսուա Օլանդը պաշտոնապես հրաժարվեց նախագահի երկրորդ ժամկետից
02.12.2016
Ֆրանսուա Օլանդը պաշտոնապես հրաժարվեց նախագահի երկրորդ ժամկետից

Ֆրանսիայի գործող նախագահ Ֆրանսուա Օլանդը հայտարարել է, որ այլևս չի պայքարելու երկրի ղեկավարի պաշտոնի համար և նախագահի լիազորությունների ավարտից հետո իր թեկնածությունը չի առաջադրի 2017 թվականի նախագահական ընտրություններին: Այս մասին հաղորդում է Le Figaro-ն: «Ես որոշել եմ չառաջադրել թեկնածությունս 2017 թվականի նախագահական ընտրություններին», — հայտարարել է գործող նախագահը: Օլանդը իր ելույթում հիշեցրել է իր նախընտրական խոստումների մասին և այն ջանքերի, որ գործադրվել են դրանք կյանքի կոչելու համար: Նախագահը խոստովանել է, որ որոշների իրականացման ժամանակ սխալներ են եղել, իսկ որոշների արդյունքները տեսանելի կլինեմ որոշ ժամանակ անց միայն: ՌԲԿ-ն հիշեցնում է, որ վերջին շրջանում Ֆրանսիայի նախագահի վարկանիշը շատ ցածր է, 2016-ի գարնանը սոցհարցումները ցույց տվեցին, որ 85 տոկոսը դժգոհ է Օլանդի վարած քաղաքականությունից, նրանց 46 տոկոսը ընդգծել է, որ «չափազանց դժգոհ են» և միայն հարցվածների 14 տոկոսն է ասել, որ գոհ է Օլանդ նախագահից:

Նորություններ գործընկերներից