Ադրբեջանի Կենտրոնական ընտրական հանձնաժողովը հաստատել է՝ փետրվարի 9-ին արտահերթ խորհրդարանական ընտրություններին մասնակցելու հայտ ներկայացրած 689 հոգու թեկնածությունը, հայտնել է ԿԸՀ նախագահ Մազահիր Փանահովը: «Այսօրվա դրությամբ ընտրություններին մասնակցելու հայտ է ներկայացրել 2,416 հազար թեկնածու: Ներկա պահին ընտրություններին մասնակցելու համար գրանցվել է 2.305 հազար թեկնածու, որից 2.193 հազար մարդ ստացել է ստորագրման թերթիկը: Հաստատվել է 689 մարդու թեկնածությունը», - ասել է ԿԸՀ ղեկավարը: Դեկտեմբերի 5-ին Ադրբեջանի նախագահ Իլհամ Ալիևը հրամանագիր է ստորագրել՝ հինգերորդ գումարման խորհրդարանի լուծարման մասին և արտահերթ ընտրություններ է նշանակել փետրվարի 9-ին: Ադրբեջանի պատմության մեջ արտահերթ խորհրդարանական ընտրությունները կանցկացվեն առաջին անգամ:
