Պաշտպանության նախարարությունը հաստատում է Գեղարքունիքի մարզի մարտական դիրքերում հայ զինծառայողի վիրավորվելու մասին լուրը: "Սեպտեմբերի 28-ին, ժամը 11։30-ի սահմաններում, հայ-ադրբեջանական սահմանի Գեղարքունիքի մարզի, մասնավորապես՝ Կութ գյուղի մարտական դիրքերի ուղղությամբ ադրբեջանական ԶՈՒ ստորաբաժանումների կողմից արձակված կրակոցից բազկի հատվածում հրազենային վիրավորում է ստացել N զորամասի զինծառայող, շարքային Գառնիկ Մնացականի Աբրահամյանը։ Նրա կյանքին վտանգ չի սպառնում", - ասված է ՊՆ-ի հաղորդագրության մեջ։
