Պատերազմից հետո Ադրբեջանի բանակում 110 զոհ է գրանցվել

Ղարաբաղում 44-օրյա պատերազմից հետո 2020թ.նոյեմբերի 10-ից մինչեւ 2021թ. հունվարի 31-ը Ադրբեջանի պաշտպանության եւ անվտանգության ոլորտի անդառնալի կորուստները կազմել են 110 մարդ, հաղորդում է Turan-ը՝ վկայակոչելով ռազմական հետազոտությունների Կասպիական ինստիտուտի հաղորդագրությունը:

Ինստիտուտի տվյալներով՝ 15 զինվորականներ զոհվել են մարտական պայմաններում, 10–ը՝ պայթել ականի վրա, մյուսները զոհվել են ոչ մարտական պայմաններում:

Զինվորականների մահվան դեպքերի մեծ մասը հաստատվել է Ադրբեջանի պաշտպանության նախարարության և ուժային այլ գերատեսչությունների կողմից։

Բացի մարտական պայմաններում զոհված և ականի պայթյունից վիրավորված 15 զինվորականներից ևս 14-ը զոհվել են ուղղաթիռի կործանման հետևանքով, 12-ը՝ ավտովթարից, 12–ը՝ դժբախտ պատահարներից, 10–ը՝ հիվանդություններից, 9-ը՝ անհայտ պատճառներով, 9–ը՝ պատերազմում ստացած վնասվածքներից, 5–ը՝ ոչ կանոնադրական փոխհարաբերությունների արդյունքում, 2–ը՝ հատուկ գործողությունների ընթացքում, 12–ը՝ ինքնասպանություն են գործել:

Ընդհանուր կորուստներից 84-ը, այդ թվում 11 մարտական եւ 73 ոչ մարտական, ստիպված են եղել 2021 թվականին:

Ընդ որում, 2019 թվականին նախապատերազմական շրջանում, ինստիտուտի տվյալներով, անդառնալի կորուստները կազմել են 47 մարդ, այդ թվում նրանցից 9–ը զոհվել են մարտական պայմաններում, 38-ը՝ ոչ մարտական:

2022 թվականի հունվարին կորուստներն արդեն կազմել են 11 մարդ, այդ թվում՝ 1 զինվորական զոհվել է մարտական պայմաններում, 3–ը մահացել են ոչ կանոնադրական հարաբերությունների հետեւանքով, 2–ը՝ անհայտ պատճառներով, 3-ը՝ հիվանդության պատճառով, 1–ը՝ դժբախտ պատահարի հետեւանքով, 1–ը՝ ինքնասպանություն է գործել:

Ռազմական հետազոտությունների կասպյան ինստիտուտը նշում է կորուստների աճի միտում, հատկապես ոչ մարտական։