Ռուսաստանի նախագահ Վլադիմիր Պուտինը հավանություն է տվել ղազախստանցի գործընկեր Կասիմ-Ժոմարտ Տոկաեւի առաջարկությանը առաջիկա օրերին ՀԱՊԿ Հավաքական անվտանգության խորհրդի տեսակոնֆերանս անցկացնելու վերաբերյալ: Այս մասին շաբաթ հայտնել են Կրեմլի մամուլի ծառայությունում՝ երկու երկրների ղեկավարների հեռախոսազրույցի արդյունքներով, գրում է ՏԱՍՍ-ը։ «Քասիմ-Ժոմարտ Տոկաեւի գնահատմամբ՝ ներկա փուլում անհրաժեշտ է ՀԱՊԿ անդամ երկրների ղեկավարների համատեղ խոսակցությունը։ Այս կապակցությամբ նա նկատի ունի հանդես գալ Հայաստանի Հանրապետության նախագահությամբ՝ որպես կազմակերպության գործող նախագահ, ՀԱՊԿ Հավաքական անվտանգության խորհրդի՝ առաջիկա օրերին տեսակոնֆերանս անցկացնելու նախաձեռնությամբ։ Վլադիմիր Պուտինը հավանություն է տվել այդ առաջարկին», - ասված է հաղորդագրության մեջ ։ «Պայմանավորվել են մշտական կապի մեջ մնալ»,-հավելել են մամուլի ծառայությունում: Տոկաեւը Ռուսաստանի առաջնորդի հետ երկարատեւ հեռախոսազրույցում մանրամասն պատմել է հանրապետությունում տիրող իրավիճակի մասին՝ նշելով դրա իրավիճակը կայունանում է: «Այս համատեքստում երախտագիտություն է հայտնվել Հավաքական անվտանգության պայմանագրի կազմակերպության գործընկերների եւ հատկապես Ռուսաստանի Դաշնության կողմից ցուցաբերվող աջակցության համար»,-հավելել են մամուլի ծառայությունում: Բացի այդ, ինչպես հայտնել են Կրեմլում, «նախագահները կարծիքներ են փոխանակել Ղազախստանում կարգուկանոն հաստատելու ուղղությամբ ձեռնարկվող միջոցառումների կապակցությամբ»: VERELQ-ը հիշեցնում է, որ Ղազախստանում զանգվածային բողոքի ակցիաները սկսվել են 2022 թվականի առաջին օրերին։ Հունվարի 5-ի առավոտյան Ղազախստանի նախագահ Կասիմ-Ժոմարտ Տոկաեւը պաշտոնաթող Է արել կառավարությանը եւ գլխավորել Հանրապետության Անվտանգության խորհուրդը, որի առաջին նիստում Ղազախստանի իրադրությունը որակել է «պետության ամբողջականության խախտում» եւ հայտնել, որ դիմել է ՀԱՊԿ-ին «ահաբեկչական սպառնալիքի հաղթահարման համար»: ՀԱՊԿ Հավաքական անվտանգության խորհուրդը որոշում է կայացրել Հավաքական խաղաղապահ ուժեր ուղարկել Ղազախստան՝ Տոկաեւի ուղերձի կապակցությամբ: Ուժերը կուղղվեն սահմանափակ ժամանակահատվածին՝ երկրում իրադրության կայունացման եւ նորմալացման նպատակով:
