Թուրքիայում անվերջ զորավարժությունների շրջան է

Անցած շաբաթ Կարսում Թուրքիայի և Ադրբեջանի զինված ուժերի անձնակազմի մասնակցությամբ շարունակվել են «Հեյդար Ալիև-2022» միացյալ գումարտակի օպերատիվ խմբի զորավարժությունները։ Այս մասին հայտնում է "Հենակետ" վերլուծական կենտրոնը:

Թուրքիայի ՊՆ-ն նշել է, որ զորավարժությունների հերթական փուլն անցկացվել է «Բարձր մակարդակի դիտորդի օր» անվան տակ։

Թուրքիայի Իզմիր քաղաքում շարունակվել են «Էֆես-2022» բազմազգ զորավարժությունները, որին ներգրավված են Ադրբեջանի Առանձին համազորային բանակի և ՌՕՈւ զինծառայողները։

Ադրբեջանի պաշտպանության փոխնախարար Ռամիզ Թահիրովի գլխավորած պատվիրակությունը Թուրքիա այցի շրջանակներում հետևել է Քոնիա քաղաքում անցկացվող «Անատոլիական արծիվ-2022» մարտավարական թռիչքային վարժանքներին, որին Թուրքիայի և Ադրբեջանի հետ միասին մասնակցել են նաև Լեհաստանը և Հյուսիսային Կիպրոսը։