Հեռախոսազրույց է տեղի ունեցել Ադրբեջանի արտգործնախարար Ջեյհուն Բայրամովի և Եվրամիության արտաքին քաղաքականության և անվտանգության քաղաքականության հարցերով բարձր ներկայացուցիչ Ժոզեպ Բորելի միջև։ Քննարկվել է Լաչինի միջանցքի շուրջ ստեղծված իրավիճակը, ինչպես նաև տարածաշրջանում առկա իրավիճակը։ Բորելը մտահոգիչ է համարել տարածաշրջանում առկա լարվածությունը՝ ընդգծելով երկու երկրների միջև խաղաղության օրակարգին նվիրվածության կարևորությունը: Ըստ ադրբեջանական կողմի՝ Ջեյհուն Բայրամովը պնդել է, որ ադրբեջանցիները չեն փակել Լաչինի միջանցքը։ Զրուցակիցները մտքեր են փոխանակել նաև Հայաստանում ԵՄ դիտորդական առաքելության գործունեության վերաբերյալ։
