Ադրբեջանը սահմանակցում է Իրանի հետ, իսկ Իսրայելն ու Իրանն ունեն բարդ հարաբերություններ։ Իրանն Իսրայելի համար ռազմավարական, ռազմական սպառնալիք է ներկայացնում։ Ադրբեջանն իր հերթին լավ հարաբերություններ ունի Իրանի հետ և Իսրայելը շահագրգռված է նրանում, որպեսզի իր կողմ քաշի Ադրբեջանին ու դրա համար ամրապնդում է ռազմա–տեխնիկական համագործակցությունը։ Այդ մասին հայտարարել է իսրայելցի քաղաքագետ Սայմոն Ցիպիսը։ Ադրբեջանի պաշտպանության նախարար Զաքիր Հասանովն այս օրերին Իսրայելում է և այցելել է մի շարք ռազմա–արդյունաբերական ձեռնարկություններ, փոխանցում է moscow-baku.ru կայքը։ Նրա խոսքով, Ադրբեջանը հետախուզական տվյալներով է փոխանակվում Իսրայելի հետ, ինչը Երուսաղեմի համար կարևոր է` ելնելով Իրանից բխող վտանգներից։ «Ադրբեջանի համար շատ կարևոր են Իսրայելից ռազմական տեխնիկայի առաքումները։Բաքուն Իսրայելից ստանում է հարձակողական և պաշտպանական զինատեսակների լայն տեսականի։ Ադրբեջանում է գոծում իսրայելական խոշորագույն Elbit ռազմական ձեռնարկությունը»,–հավելել է նա։