Վրաստանի վարչապետ Գիորգի Գախարիան այսօր՝ փետրվարի 10-ին, շնորհավորել է Ադրբեջանի նախագահ Իլհամ Ալիևին ՝ խորհրդարանական արտահերթ ընտրություններում իշխող կուսակցության հաղթանակի կապակցությամբ: Ինչպես հայտնում են Ադրբեջանի նախագահի մամլո գրասենյակից, Գիորգի Գախարիան հեռախոսով խոսել է Ադրբեջանի ղեկավարի հետ՝ շնորհավորելով Իլհամ Ալիևին իշխող «Ենի Ադրբեջան» («Նոր Ադրբեջան») կուսակցության հաղթանակի կապակցությամբ և մաղթել հաջողություններ նոր խորհրդարանին: Բացի այդ, զրուցակիցները կարևորել են երկու երկրների միջև բարեկամական հարաբերությունների զարգացումը և վերահաստատել աջակցությունը երկկողմ հարաբերությունների շարունակմանը:
