Ադրբեջանական կողմը այսօր՝ սեպտեմբերի 28-ին, Շուշիում հայկական կողմին է փոխանցել ևս երեք հայ զինծառայողի աճյուն: Այդ մասին հայտնում է Արցախի ՆԳՆ Արտակարգ իրավիճակների պետական ծառայությունը՝ նշելով, որ զինծառայողների ինքնությունը պարզելու նպատակով կնշանակվի դատաբժշկական փորձաքննություն: Արցախի Արտակարգ իրավիճակների պետական ծառայությունը հիշեցնում է, որ զինադադարից հետո՝ մինչ օրս, ընդհանուր առմամբ, հայտնաբերվել է 1673 հայ զինծառայողի աճյուն: Որոնումների արդյունքների մասին ԱԻՊԾ-ն կտրամադրի հավելյալ տեղեկություն:
